سياسة الخصوصية لتطبيق حضور
آخر تحديث: أكتوبر 2026
باختصار
حضور يشتغل على جوالك. ما فيه تسجيل دخول، ومناسباتك وأسماء ضيوفك وأرقامهم تبقى على جوالك. الشي الوحيد اللي يطلع من جوالك هو اللي تختار ترسله أنت، أو بيانات روابط الرد إذا فعّلتها.
البيانات على جوالك
المناسبات وأسماء الضيوف وأرقام جوالاتهم والملاحظات والردود تنحفظ في قاعدة بيانات داخل التطبيق على جوالك. تقدر تحذفها كلها من الإعدادات، وتنحذف إذا حذفت التطبيق.
روابط الرد (اختيارية)
إذا فعّلت «روابط الرد» لمناسبة، نرفع لخوادم Google Firebase تفاصيل الدعوة اللي على الكرت (اسم المناسبة وصاحب الدعوة والتاريخ والوقت والمكان ورابط الموقع)، ولكل ضيف: الاسم كما يظهر على كرته، وعدد الأشخاص، والقاعة، وردّه وكلمته الاختيارية. أرقام الجوالات ما ترتفع أبداً. كل ضيف يقدر يشوف دعوته هو بس عن طريق رمز سري في رابطه. البيانات تنحذف لما توقف الروابط أو تحذف المناسبة من التطبيق، والروابط تتوقف عن العمل بعد المناسبة بـ 30 يوم. الضيف اللي يفتح الرابط يحصل على هوية مجهولة من Firebase بدون أي حساب.
جهات الاتصال
إذا سمحت بجهات الاتصال، نعرضها لك عشان تختار منها. نحفظ بس الاسم والرقم للي تختارهم، داخل جوالك.
الكاميرا
نستخدم الكاميرا بس لمسح باركود دخول الضيوف يوم المناسبة. ما نحفظ صور ولا فيديو.
الصور
نطلب إذن الصور بس عشان نحفظ الكروت في معرض جوالك لما تطلب.
الإرسال
لما ترسل كرت أو رسالة، أنت تختار التطبيق والشخص. اللي ترسله يخضع لسياسة التطبيق اللي اخترته مثل الواتساب.
الفيديو والآيات
لما تصنع فيديو للحالة، الفيديو يتصنع داخل جوالك. وإذا اخترت آية قرآنية، التطبيق ينزّل ملف التلاوة مرة وحدة من موقعنا i3oma.de ويحفظه في جوالك. هذا طلب تنزيل ملف عادي، ما نرسل معه اسمك ولا بيانات مناسبتك ولا ضيوفك. والملف الصوتي اللي تختاره من جوالك يبقى في جوالك وما يرتفع لأي مكان.
الشراء
شراء Pro يتم عن طريق Google Play أو App Store، ونستخدم RevenueCat للتحقق من الشراء واسترجاعه بمعرّف مجهول. ما نشوف بيانات بطاقتك.
التنبيهات
تذكير المناسبة تنبيه محلي على جوالك، ما يمر بأي خادم.
التواصل
لأي سؤال أو طلب حذف: kh249918@gmail.com